Forbhreathnú

Déanaimid ár ndícheall an chomhairle taistil is déanaí a thabhairt duit i nGaeilge, ach mar gheall go bhféadfadh athrú an-tapa teacht ar chúrsaí, go háirithe i gcás géarchéime, ní féidir linn a ghealladh go mbeidh an chomhairle taistil i nGaeilge go hiomlán cothrom le dáta.  Lena chinntiú go bhfaighidh tú an chomhairle is déanaí, go háirithe maidir le stádas slándála, féach an leagan Béarla chomh maith, nó déan teagmháil díreach linn.

Forbhreathnú

Stádas Slándála

Gnáth-réamhchúraim

Comhairle Ghinearálta maidir le Taisteal

Ní theastaíonn víosa ó shaoránaigh na hÉireann chun dul isteach i mBarbadós.

Teastaíonn pas bailí chun taisteal chuig Barbadós. Ba cheart bailíocht phasanna Éireannacha a bheith i ndiaidh a gcuid fanachta agus tá ticéid ar aghaidh de dhíth ar gach cuairteoir. Ní féidir paschártaí a úsáid.

Moltar do chuairteoirí chuig Barbadós treoir na n-údarás náisiúnta agus áitiúil a leanúint agus a choimeád ar an eolas maidir leis an méid atá ag tarlú trí monatóireacht a dhéanamh ar an nuacht áitiúil agus na meáin shóisialta.

Is féidir le saoránaigh Ambasáid na hÉireann, na Stáit Aontaithe a leanúint ar na meáin shóisialta chun rochtain ar nuashonruithe agus foláirimh ábhartha a chinntiú.

Tarlaíonn séasúr na hairicíní ó mhí Iúil go mí na Samhna go hiondúil san Atlantach. Ba cheart duit an-aird a thabhairt ar thuairiscí aimsire áitiúla agus idirnáisiúnta chomh maith le comhairle a leanúint ó na húdaráis áitiúla. Déan monatóireacht i gcónaí ar nuashonruithe aimsire áitiúla agus idirnáisiúnta don réigiún trí rochtain a fháil ar Chainéal na hAimsire, nó ar shuíomh gréasáin Ionad Hairicíní Idirnáisiúnta de chuid SAM.

Ba cheart do shaoránaigh a bhfuil sé ar intinn acu a bheith sa réigiún atá buailte le linn na tréimhse seo machnamh a dhéanamh ar an ngá le taisteal bunaithe ar eolas maidir le réamh-mheastacháin ar adhaimsir.

Cúnamh Éigeandála

Is minic a bhíonn an chabhair is fearr in aice láimhe, mar sin má bhíonn fadhbanna agat, bain triail as labhairt leis na teagmhálacha áitiúla, le tionscnóir do thurais nó le bainistíocht an óstáin ina bhfuil tú ag fanacht.

Is féidir leat teagmháil a dhéanamh leis na seirbhísí éigeandála i mBarbadós ach scairt a chur ar na huimhreacha éigeandála thíos:

• Na Póilíní: 211
• An Bhriogáid Dóiteáin: 311
• An tOtharcharr: 511

Ár gCuid Leideanna le hAghaidh Taisteal Sábháilte:

• Molaimid go láidir duit árachas taistil cuimsitheach a cheannach a chumhdóidh na gníomhaíochtaí ar fad atá pleanáilte agat.
• Cláraigh do chuid sonraí linn ionas go mbeimid in ann teagmháil a dhéanamh leat i gcás éigeandála, amhail tubaiste nádúrtha nó éigeandáil teaghlaigh.
• Lean muid ar Twitter @dfatravelwise do na nuashonruithe taistil is déanaí.
• Léigh ár dtreoir ‘Eolas Roimh Thaisteal Duit’.

Ós rud é nach bhfuil Ambasáid Éireannach i mBarbadós, táimid teoranta maidir leis an gcabhair atáimid in ann a thabhairt duit i gcás éigeandála. Is féidir leat teagmháil a dhéanamh le hAmbasáid na hÉireann in Washington DC, áfach, má theastaíonn cúnamh uait.