Déan teagmháil le hOifig na bPasanna
Tá nós imeachta foirmiúil maidir le tuairimí agus gearáin ag Seirbhís na bPasanna ionas gur féidir le custaiméirí aiseolas a thabhairt maidir le caighdeán na seirbhíse a fhaigheann siad.
Ba mhaith linn go gcuirfeadh custaiméirí in iúl dúinn é nuair a fhaigheann siad seirbhís mhaith nó insint dúinn conas is féidir an tseirbhís a fheabhsú. Is faoi rún a chaithfear leis na tuairimí uait.
Is féidir leat tuairim nó gearán a chur isteach ar an bhfoirm thíos nó trí scríobh chuig Oifigeach na nGearán faoi Phasanna, Áras Chnoc Muáin, 42-47, Sráid an Mhóta Íochtarach, Baile Átha Cliath 2, D02 TN83.
Tá sé mar aidhm ag Seirbhís na bPasanna gearáin a réiteach chomh luath agus is féidir. Mura bhfuil sé sin indéanta, déanfaimid an méid seo a leanas:
- Cuirfimid sonraí an ghearáin ar taifead agus admhóimid go bhfuaireamar é
- Tabharfaimid freagra air a luaithe is féidir
- Míneoimid an fáth, más rud é nach féidir do ghearán a réiteach ar aon chúis nach bhfuil neart againn uirthi