Daoine a rugadh thar lear
Má rugadh tú lasmuigh d’Éirinn, d’fhéadfá a bheith i dteideal saoránacht Éireannach.
Ar rugadh tú lasmuigh d’Éirinn?
Tá tú i do shaoránach Éireannach go huathoibríoch má bhí duine de do thuismitheoirí ina shaoránach Éireannach nó ina saoránach Éireannach a rugadh in Éirinn.
Tig leat teacht chun bheith i do shaoránach Éireannach más rud é go raibh duine de do thuismitheoirí ina shaoránach Éireannach nó ina saoránach Éireannach an tráth a rugadh tú, ach nár rugadh in Éirinn é nó í. Má tá tú incháilithe, tig leat do bhreith a chlárú ar Chlár na mBreitheanna Coigríche.
Do bhreith a chlárú
Chun do bhreith a chlárú ar Chlár na mBreitheanna Coigríche, ní mór duit:
- An treoir Conas Breith Thar Lear a Chlárú a leanúint
- D’fhoirm iarratais a chomhlánú ar líne
- Cóip de d’fhoirm iarratais a phriontáil amach
- D’fhoirm, do dhoiciméadacht tacaíochta agus do sheicliosta, do ghrianghraif agus do tháille a chur chugainn
D’iarratas a chur leis an bpost
Cuir d’iarratas chuig an seoladh atá ar d’fhoirm iarratais. Is é a bheidh sa seoladh sin ceann díobh seo a leanas:
- An Ambasáid nó Consalacht Éireannach is gaire duit (má tá tú i do chónaí thar lear)
- An oifig i gCorcaigh (má tá tú i do chónaí i gCúige Mumhan) Teil: 021 494 4763 (10am – 1pm)
- An oifig i mBaile Átha Cliath (má tá tú i do chónaí in áit eile in Éirinn) Teil: 01 408 2555 (10am – 1pm)
Tabhair ar aird gur chóir comhfhreagras a dhéanamh tríd an bpost, ríomhphost nó teileafón toisc nach bhfuil oifig Bhaile Átha Cliath oscailte don phobal.
Deimhniú ionaid a fháil
Más rud é gur saoránach Éireannach cheana tú trí Chlárúchán Breitheanna Coigríche agus gur gá duit iarratas a dhéanamh ar dheimhniú ionaid, déan teagmháil:
- Leis an Ambasáid nó leis an gConsalacht Éireannach is gaire duit (má tá tú i do chónaí thar lear)
- Leis an oifig i gCorcaigh (má tá tú i do chónaí i gCúige Mumhan))
- Leis an oifig i mBaile Átha Cliath (má tá tú i do chónaí in áit eile in Éirinn)